Шығармашылық апталығы

Маусымның  14-18 күндері аралығы «Шығармашылық апталығы» деп бекітілді. Аптаның бірінші күні «Мүсін күні» деп басталды. Бұл күні тәрбиешілермен балалар саздан, қамырдан мүсіндер жасап, оларды безендірді, дымқыл құмнан мүсіндер сайыстары өткізді.  Жұмыс барысында балалардың қызығушылықтары оянып, ой-қиялдары дамыды. Өздерінің қолынан жасаған әр мүсінге куанды. 15 маусым, жарамсыз материалдан жасалған бұйымдар күніне арналды. Ата-аналардың қолдауымен, тәрбиешілердің ұйымдастыру-нұсқаулығымен балалар қалдық заттардан түрлі әдемі бұйымдар жасауға болатына көздері жетті. Адамның қолынан қандай әсем туындылар шығатындарын білді. Аптаның үшінші күні «Икебана күні» деп өткізілді. Бұнда, балалар мен тәрбиешілер аулада өсіп, гүлдеп тұрған шөптерді зерттеп, арасында денсаулыққа зияны жоқтарын теріп, гүл шоқтарын жасауға үйренді. Бейсенбі күні «Табиғи  материалдардан жасалған қолөнер күні» деп белгіленді. Тәрбиешілер балаларға табиғи материалдарға не жататынын түсіндіре отырып, олардың білімдерін кеңейтті.  Ата-аналармен бірлесе жасаған бұйымдарды қарап, зерттеп, олардан көрме ұйымдастырды. Аптаның соңын «Сурет күні» деп аталған болатын. Бұл күні тәрбиеленушілер өз отбасы туралы әңгімелер айтып, отбасындағы дәстүрлерге тоқталды. Тәрбиешілермен бірге өлең-шумақтарын жаттып, тілдерін жаттықтырды. «Анам, әкем және мен» тақырыбында суреттер салып, шағын сурет көрмесін жасады.